Bókamarkaðurinn í Perlunni verður með svipuðu sniði og síðustu ár.  Tekið verður á móti bókum frá fyrirtækjum og einstaklingum. Tilkynna skal til skrifstofu Félags íslenskra bókaútgefenda, ef viðkomandi útgefandi vill koma með bækur til sölu á markaðinum.

Þann 21. febrúar 2012 tökum við á móti bókum.  Markaðurinn verður opinn kl. 10.00 til 18.00 alla daga frá 23. febrúar til sunnudags 11. mars.  Útgefendur sjá sjálfir um að setja upp bækur og fylla á, í samstarfi við starfsfólk.

Tilkynningar og fyrirspurnir sendist á tölvupóstfang: This e-mail address is being protected from spambots. You need JavaScript enabled to view it

Íslensku bókmenntaverðlaunin 2011 verða afhent við hátíðlega athöfn af forseta Íslands á Bessastöðum miðvikudaginn 25. janúar kl. 16.00.

Þá mun forseti Íslands tilkynna val lokadómnefndar á einum verðlaunahafa úr hvorum flokki Íslensku bókmenntaverðlaunanna, flokki fræðibóka og almenns efnis og flokki fagurbókmennta.

Formaður lokadómnefndar, skipaður af forseta Íslands er Þorsteinn Gunnarsson en með honum sitja í lokadómnefnd formenn tilnefninganefndanna tveggja, Árni Matthíasson og Þorgerður Jennýjardóttir Einarsdóttir.

Verðlaunaféð eru kr. 1.000.000 í hvorum flokki.

Smelltu hér til að hlaða niður fréttatilkynningunni með þessari frétt